सतीश आळेकर यांच्या लेखणीतून अतिशय महत्वाची आणि मराठी नाटकसृष्टीसाठी मैलाचा दगड ठरलेली अनेक नाटकं साकारण्यात आली. त्यातील एक नाटक – महापूर! महापूर ही प्रेमभंगामुळे, शिक्षणातल्या बेताच्या गतीमुळे, कमी कष्टामुळे, विशिष्ट कौटुंबिक परिस्थितीमुळे मानसिक तोल ढळलेल्या नायकाची हुरहुर लावणारी, देवदासची आठवण व्हावी अशी उत्कट नाट्यकहाणी आहे. हे प्रभावी नाटक सुवर्ण महोत्सवी वर्षात पुन्हा एकदा रंगमंचावर येत आहे.