बालनाटक “माकडचाळे” हे नाटक मुलांना एका जंगल सफरीवर घेऊन जाते आणि त्यांना निसर्गाशी घट्ट नातं जोडायला प्रवृत्त करते.
आपल्याला माहितीये की आजकाल मुलं मोबाईलमध्ये हरवून जातात. अशीच काही लहान मुलं सहलीला जातात तेव्हा त्यातली काही मुलं वाट चुकतात आणि घनदाट जंगलात हरवतात. तिथे त्यांची मैत्री होते एका माकडाशी आणि त्यानंतर जंगलात त्यांनी केलेली धमाल, प्रेक्षकांसाठी रोमांचकारी अनुभव ठरणार आहे. माकडाच्या माध्यमातून मुलांना निसर्गाचे महत्त्व कळायला लागते.
